Çarşamba günü

Çarşamba günü
Çarşamba günü başlanıyor
Haki Hacı haşlanıyor

Kaldır ba, Hacı, başçeezını,
Kaldır başenı, yastık süreyim
O diil yastık o kementli çatı

Kendi karısı, kemendi koyer.
Oolusu Miti kollarnı tutıyi,
Kumisi Koli kannı içer.

Paçiko, mari, Paçiko kızım,
Çık dışarı çıır komuşular
Çıır komuşuları, kurtar bubanı

Bubacıım bubam, nasıl çıkayım
Nasıl çıkayım, nasıl çırayım?
Kapularda karaullar,

Karaullar kara mongollar
Pençerelär demir baalı,
Nasıl çıkayım, nasıl çırayım?

Hacı da dedi: Koynumda koltuum
Koynumda koltuum haltınnan dolu
Halın haltınnarı, kıymıın beni,
Haltınnarı da halıcıız, seni da kıyecıız

Anılmış Kiyatlar

• Gagauz Halk Türküleri

• Moldova Respublikasının Bilim Akademiyası Milletlärarası Aaraştırmalar İnstitudu

• Lüba Çimpoeş

• Sayfa 22

• Pontos

• Chişinau

• 2001