"Ana Sözü"Gagauz dilindä birinci gazeta.

Istoriyası diiştir

Birinci sayısı çıktı 1988-ci yılın Harman ayın 14-dä ofiţial "Советская Молдавия" gazetasının eki olarak. Açan Moskva gazetanın çıkması için izin verdiydi orada yazılıydı, ani "açmaa "Sovetskaya Moldaviya" gazetanına ek olan gagauz dilindä gazeta, adı "Gagauz Sözü" olsun. Ama intelligenţiya annaşamadı nicä yazmaa "gagauz" mu, osa "gagouz" mu. Onuştan gazeta kabletti şindiki adını.

İlk adımnarından başlayıp, büünkü gündä "Ana Sözu" gazetamız bir uzun hem zor yol geçti. 1988-2011-ci yıllar içindä gazetanın 559 sayısı çıktı. Büün "Ana Sözü" proektının ilerlenmesindä yardımnar eder Türkiye İşbirlii Kalkınma İdaresi (TİKA).

 
Redaktoru Todur Zanet

Redaktoru gagauz yazıcı, çevirici, publiţist Todur Zanet.

Gagauzların hem gagauzluk gazetacılıın istoriyasında ilk bütünnä renkli gazeta "Ana Sözü" 2001-ci yılın Çiçek ayın 14-dä tiparlandı[1]. 2013-cü yılın Baba Marta ayın 29-da, 12 yıldan sora "Ana Sözü" gazetası enidän renkli basıldı[1].

Gazeta "Universul" basım evindä basılêr.

Tiraj 3020 ekz.

Paası 5 ley.

Nomeri diiştir

  • 500 - 1997-ci il[2]
  • 600 - 29.03.2014[3]
  • 700 - 19.05.2018[4]

Gagauziyada ikinci erdä diiştir

Moldovanın JBM (Jurnalizma Baamsıs Merkezi) izininä görä İMAS-inc aaraştırma kuruluşu Gagauziyada presa auditoriyasının arasında 2008 yılın Ceviz ayı (sentäbri) – Canavar ayı (oktäbri) aylarında bir araştırma yaptı.

Araştırmalar radio hem televideniye kanalların hem günnük, aftalık hem da aylık izdaniyaların tanınmasınna ilgiliydi.

Araştırmaya görä aylık gazetaların arasında gagauzça tek olan "Ana Sözü" gazetası ikinci erdä bulunêr. Respondentların 53% ana sözü gazetayı bilerlär hem okuyêrlar.

Kullanılmış kiyatlar diiştir

  1. 1,0 1,1 “Ana Sözü” gazetasının enidän renkli basılmasının fotoreportajı. anasozu.com, 27.04.2013
  2. Qaqauzların “Ana sözü” qəzetinin 500-cü sayı çapdan çıxıb. apa.az, 14.02.2007
  3. Önünüzdä 600-cü nomerimiz. anasozu.com, 29.03.2014
  4. "Ana Sözü", 19 Hederlez ay (may) 2018. anasozu.com

Dış baalantılar diiştir