Gözäl menevşa
Gözäl menevşa
- Aman Mari Menevşa
- Ne da gözäl boyun var
- Benim boyum pek gözäl
- Başçedä fidana pek benzäär.
- Aman mari menevşa,
- Ne da gözäl kaşın var.
- Benim da kaşım pek gözäl
- Gaytana da o pek benzäär.
- Aman mari Menevşa,
- Ne de gözäl gözün var.
- Benim gözüm pek gözäl
- Çotukta güvenä pek benzäär
- Aman mari Menevşa,
- Ne da pek gözäl başın var.
- Benim da başım pek gözäl
- Başçedä gülä pek benzäär.
- Aman mari Menevşa,
- Ne da gözäl yanaan var.
- Senin da yanaan pek gözäl
- Fidanda almaya pek benzäär.
- Aman mari Menevşa,
- Ne da gözäl dilin var.
- Benim dilim pek gözäl
- Dizindä korala benzäär.
Kullanılmış Kiyatlar
diiştir- Derleyen : M.A. Durbaylo
- Derleme yeri ve yılı: Çadır.
- Gagauz Yeri
- 1989
- Söyleyen : Vera Guboglu, 1954 duudu
- Yayımlayan : Nevzat Özkan
- age. s.244-245.
- Gagauz Destanları
- Prof. Nevzat Özkan
- Türk Dil Kurumu Yayınları