Gagauz gençlerin asoţiaţiyası
Gagauz gençlerin asoţiaţiyası — Moldovada gagauz gençlerin bir organizaţiyası.
Kuruldu 2007-ci yılda Kişinövdä. Gagauz Gençlerin Asoţiaţiyasın ofisi Moldova Azınnıklar Departamentının binasında bulunêr. Asoţiaţiyanın predsedateli Andrey Sürma. Asoţiaţiya kanadının altında şindilik 70 kişi bulunêr. Bunnarın taa çoyu Kişinövda bulunan Slavän Universitetin studentleri.
Bakmadaan ona, ani büünkü günädän gençlär taa çok ortak meropriyatiyalara katılmışlar, kendibaşına çalışmaa büük havezleri hem neetleri var. Bu neetlerdä ilk adım da yapıldı: Azınnıklar departamentına Çadırdan “Mihail Çakir” adına Gagauz Milli Teatrusunu bir spektaklisini getirdilär.
2008-ci yıl Hederlez (may) ayın 14-dä, asoţiaţiya TİKA (Türk İşbirlii Kalkınma İdaresi Başkannıı) tarafınnan kebletti bir yardım. Yardımda kompyuter, printer-skaner-xerox malları var. Bundan kaarä ofis için masa hem skemnä verildi, hem da bir çelik kapu koyuldu.