Mihail Formuzal
Mihail Formuzal — gagauz politiki, Avtonom Territorial Bölümlüü Gagauziyanın üçüncü Başkanı (2006-2010; 2010-).
Duudu 7 noyabri 1959-cu yılda, Çadır dolayın Beşgöz küüyündä çok uşaklı küülü aylesindä. Üürendi 1966-1977 yıllarında Beşgöz küüyü orta şkolasında. 1977-ci yılda çaarıldı Voenni deniz flotuna slujba için. Başardı Odesa Üüsek Voenni Komanda-Topçuluk Uçilişçesini M. V. Frunze adına (Ukrayna) 1979-1983 yıllarında. 1994-cü yıla kadar slujba etti türlü komanda işlerindä. Komandanlık etti Gvardiya Topçuluk Divizionuna hem noyabri 1994-cü yılda esapa alarak slujba yılların gönderildi zapasa.
1995-1998 yıllarında başardı Moldova Prezidenti yanında Devlet Yönetmää Akademiyasını. 1995-ci yılda seçildi Çadır kasabası primar yardımcısı, 1999-cu yılda primar. 2003-cü yılda ikinci kerä seçildi kasaba primarı. 17 dekabri 2006-cı yıl seçimnärin rezultatına görä seçildi Avtonom Territorial Bölümlüü Gagauziyanın eski Başkanı.
Büük ayın (yanvari) 25-dä Gagauziya apeläţiya sudu kararladı Gagauziya Başkanı seçimnerin 2-nci turunu legitimlı hem kanona görä tamannanmış saymaa.
Dekabrinin 26-nda Başanlık için güreştilär Komradın primarı Nikolay Dudoglo hem şindiki Başkan Mihail Formuzal. Seçimnerdän sora Dudoglonun komandası saymadı seçimneri tamannanmış, çünkü onnarın bakışuna görä, Formuzalın tarafından seçim kоmpaniyasında hem seçim günündä çok türlü kanonu aykırlamak, yannışlık hem aldatmak vardı.
Bu işin ucunu Komradın apeläţiya sudu Dudoglonun istemesinä göra buldu. Sudun kararına görä, büünkü gündän Mihail Formuzal – Gagauz Erin Başkanı sayılêr.
Mihail Formuzal evlidir hem üç uşaa var.