Valkaneş kasabasının kurban yortusu

Canavar ayın 14-dä Valkaneş kasabasının kurban Günü bakıldı. Yortu klisä liturgiyasınnan başladı. Sora da kısa bir miting oldu. Mitingtä Valkaneş primarı Konstantin BOZBEYdän kaarä musaafirlär da söz tuttular.

Gagauziya Başkanın birinci yardımcısı Georgiy MOLLA, valkaneşlileri yortuylan kutlayıp, primariyeya bir kompyuter baaşladı. Mitingtan sora türlü konkurslar, sport hem fıkra yarışları, hem da konţertlär oldu.